خبریں

کورونا وائرس ٗ لاک ڈاؤن سے متاثرہ بزنس کمیونٹی کو فوری ریلیف فراہم کیا جائے ٗ شیر باز بلور

23 May 2021

پشاور 20مئی 2021ء

سرحد چیمبر آف کامرس اینڈ انڈسٹری کے صدر شیر باز بلور نے خیبر پختونخوا حکومت سے مطالبہ کیا ہے کہ کورونا وائرس لاک ڈاؤن سے متاثرہ بزنس کمیونٹی کے ساتھ کئے ہوئے وعدوں کی پاسداری کرتے ہوئے انہیں فوری ریلیف فراہم کرے۔ خیبر پختونخوا میں کاروبار کے لئے سازگار فضاء کی عدم دستیابی کے باعث صوبہ سے فلائٹ آف کیپٹل تیزی سے ہو رہا ہے اور صنعتی یونٹس پنجاب شفٹ ہونے سے صوبہ میں بے روزگاری میں اضافہ ہو رہا ہے اور حکومتی ریونیو میں بھی کمی کا باعث بن رہا ہے۔ حکومت فکس ٹیکس کے نفاذاور صنعتی ترقی کے لئے عملی اقدامات اٹھائیں۔ ان خیالات کا اظہار انہوں نے گذشتہ روز روز انڈسٹریلسٹ ایسوسی ایشن حیات آباد پشاور کے صدر ملک عمران اسحق کے ہمراہ چیف سیکرٹری خیبر پختونخوا ڈاکٹر کاظم نیاز سے ان کے آفس میں ملاقات کے دوران کیا۔ ملاقات کے دوران انڈسٹریز سے وابستہ مسائل پر تفصیلات بات چیت کی گئی اور ان کے فوری اور دیرپا حل کے لئے مختلف تجاویز پیش کی گئی۔ سرحد چیمبر کے صدر شیر بازبلور نے کہا کہ کورونا وائرس سے جہاں پر انڈسٹری ترقی کا عمل شدید متاثر ہوا ہے وہاں چھوٹا تاجر طبقہ میں بھی بے شمار مشکلات سے دوچار ہے۔ انہوں نے اس بات پرزور دیا کہ کورونا وائرس لاک ڈاؤن سے متاثرہ تاجر برادری اور انڈسٹریز کو خصوصی مراعات پیکیج کو عملی جامہ پہنایا جائے تاکہ صوبہ بھر میں کاروباری طبقہ کے مشکلات کا فوری ازالہ اور ملکی معاشی ترقی میں بھی اپنا بھرپور کردار ادا کرتے رہیں۔ انہوں نے مزید کہا کہ حکومت صوبہ میں کاروبار کے سازگار ماحول کی فراہمی اور صنعتی ترقی میں درپیش رکاوٹوں کو دور کرنے کے لئے چیمبر اور انڈسٹریلسٹ ایسوسی ایشن کی سفارشات پر عملدرآمد کو یقینی بنائیں۔ ان کا کہنا تھا کہ سرحد چیمبرسرٹن فسکل لاء (سی ایف ایل) کے حوالے سے کافی پیش رفت ہوچکی تھی تاہم وزیراعلیٰ کے معاون خصوصی برائے ایکسائز اینڈ ٹیکسیشن  اپنے عہدے سے مستعفی ہوگئے تھے جس کے بعد مذکورہ قانون سازی کا عمل تیزی سے جاری ہے۔ انہوں نے اس بات پر زور دیا کہ انڈسٹریلسٹ اور کاروبار کی ترقی کے لئے پبلک پرائیویٹ پارٹنر شپ کو فروغ دینے کی اشد ضرورت ہے اس ضمن میں سرحد چیمبر ایک غیر سرکاری ادارے (SEED)کے ساتھ اپنے کوشش جاری رکھے ہوئے ہیں جس کے تحت حکومتی متعلقہ اداروں کے ساتھ ایک مضبوط ارو روابط کے ذریعے تاجر برادری اور انڈسٹریز سے متعلقہ مسائل کو ایک جامہ و مشترکہ حکمت عملی کے تحت حل کیا جائے گا۔ انہوں نے اس بات کا انکشاف کیا ہے کہ بزنس ڈسپیوٹ ریزولوشن کونسل کے قیام کے لئے سرحد چیمبر بھرپور کوشش کر رہا ہے تاکہ تمام مسائل کو ایک بہتر حکومتی لیزان کے ذریعے حل کیا جاسکے۔ اس سے قبل انڈسٹریلسٹ ایسوسی ایشن حیات آباد پشاور کے صدر ملک عمران اسحق بزنس کمیونٹی اور حکومتی متعلقہ اداروں کے مابین ایک مضبوط لیزان کے قیام پر زور دیا ہے۔ انہوں نے کہاکہ اس لیزان میں حکومتی متعلقہ اداروں کے سیکرٹریز اور سربراہان مکمل تعاون بھی کریں گے۔ انہوں نے بتایا کہ حکومت ایک فوکل پرسن جو کہ سیکرٹری انڈسٹری ہوگا کے ذریعے پراپرٹی ٹیکس ٗ کیپرا اور دیگر متعلقہ اداروں کے حوالے سے مسائل کو فوری حل کرنے کے لئے اقدامات کرے گی۔

 

NEWS