سرحد چیمبر آف کامرس اینڈ انڈسٹری اور انسٹی ٹیوٹ آف کاسٹ اینڈ مینجمنٹ اکاؤنٹنٹ آف پاکستان (ICMAP)نے کاروباری طبقہ کی مختلف قوانین اور ریگولیشن کے حوالے سے رہنمائی اورشعور اجاگر کرنے کے حوالے سے مشترکہ آگاہی سیمینار وسیشن کا انعقاد کرنے کا فیصلہ کیا ہے جبکہ سرحد چیمبر کے صدر فضل مقیم خان نے حکومت سے مطالبہ کیا کہ بزنس کمیونٹی کی مشکلات کے ازالہ اورانہیں مراعات کی فراہمی کیلئے عملی اقدامات اٹھائے جائیں۔ اس امر کا اعلان گذشتہ روز سرحد چیمبر آف کامرس اینڈ انڈسٹری کے صدر فضل مقیم خان اور آئی سی ایم پی اے کے صدر/ چیئرمین ضیاء اللہ مصطفی اعوان اور جائنٹ ڈائریکٹر اینڈ کیمپس انچارج پشاور عدیل زیب خان سے چیمبر ہاؤس میں ملاقات کے دوران کیا۔ اجلاس کے دروان سرحد چیمبر کے سیکرٹری جنرل مقتصد احسن بھی موجود تھے۔ دونوں اداروں کے مابین پہلے ہی ایک باہمی مفاہمت کی یادداشت پر دستخط کئے گئے اور اس معاہدے کو عملی جامہ پہناتے ہوئے سرحد چیمبر اور آئی سی ایم اے پی نے کاروبارو تجارت کے حوالے سے حکومت کی جانب سے مختلف نئے قوانین / ریگولیشن کے نفاذ کے حوالے سے رہنمائی اور آگاہی پیدا کرنے کے لئے مشترکہ سیشن کا انعقاد کیا جائے گا۔ اجلاس کے دوان دونوں جانب سے بزنس کمیونٹی کی پیشہ وارانہ ٗمہارت اور سکل ڈویلپمنٹ اور استعداد کار بڑھانے کے حوالے سے مشترکہ اقدامات اٹھانے پر بھی اتفاق ہوا ہے۔ اس موقع پر سرحد چیمبر کے صدر فضل مقیم خان نے بات چیت کرتے ہوئے کہا کہ آئی سی ایم اے پی کی جانب سے حکومتی قوانین اور احکامات کے حوالے سے کاروباری طبقہ میں آگاہی پیدا کرنے کے لئے مشترکہ سیمینار و سیشن کے انعقاد کے فیصلہ کا خیر مقدم کیا اور کہا ہے کہ یہ اقدام بزنس کمیونٹی کی جانب سے پیدا ہونیوالے خدشات کو کم کرنے سمیت بہتر رہنمائی فراہم کرنے میں کافی مددگار ثابت ہوگا۔ سرحد چیمبر کے صدر کا مزید کہنا تھا کہ حکومت اور متعلقہ اداروں قوانین اور پالیسیوں کو مرتب کرنے سے قبل سرحد چیمبر اوربزنس کمیونٹی کے نمائندوں کو اعتماد میں لیں تاکہ ان کے نفاذ میں کسی قسم کی رکاوٹ درپیش نہ ہو۔ سرحد چیمبر کے صدر فضل مقیم خان نے کہا کہ کاروباری طبقہ جو کہ معیشت کی ترقی وخوشحالی میں ریڑھ کی ہڈی کی حیثیت رکھتا ہے موجودہ صورتحال کسی وجہ سے مشکلات سے دوچار ہے۔ انہوں نے بزنس کمیونٹی کی مشکلات کے ازالہ اور مراعات کی فراہمی کے لئے عملی اقدامات اٹھانے پر زور دیا ہے۔ اس موقع پر آئی سی ایم اے پی کے چیئرمین / صدر ضیاء اللہ مصطفی نے سرحد چیمبر کے صدر فضل مقیم خان کو ادارے کے حوالے سے جاری مختلف پروگرامز ٗ اقدامات بالخصوص چیمبر کے ساتھ ہونیوالے باہمی مفاہمت کی یادداشت کے بارے میں تفصیلی بریفنگ دی۔

سرحد چیمبر آف کامرس اینڈ انڈسٹری کے صدر فضل مقیم خان نے کہا ہے کہ پاک ایران باہمی تجارتی و اقتصادی تعلقات کو مزید مستحکم کرنے کے لئے دونوں ممالک درمیان کے تجارت وفود کے تبادلہ ٗ صنعتی نمائشوں کے انعقاد ٗ ایک دوسرے کے تجربات سے استفادہ کرنے کی اشد ضرورت ہے جبکہ پشاور میں تعینات ایران کے قونصل جنرل علی بنفشہ نے کہا ہے کہ ان کا ملک ہمسایہ دوست ممالک بالخصوص پاکستان کے ساتھ تجارتی ٗ ثقافتی اور مذہبی تعلقات کو فروغ دینے کا خواہاں ہے اور ایران پاکستان کے ساتھ باہمی تجارت حجم بڑھانے اور تعاون کے فروغ کیلئے ہر ممکن اقدامات اٹھانے کیلئے ہمہ وقت تیار ہے۔ تفصیلات کے مطابق گذشتہ روز پشاور میں تعینات ایرانی قونصل جنرل علی بنفشہ نے سرحد چیمبر کا دورہ کیا۔ اس موقع پر ایرانی قونصل جنرل نے سرحد چیمبر کے صدر فضل مقیم خان ٗ سینئر نائب صدر عبدالجلیل جان اور نائب صدر شہریار خان اور کابینہ کے دیگر اراکین کو عہدوں کا چارج سنبھالنے پر مبارکباد پیش کی۔ ملاقات کے دوران ایرانی قونصل جنرل پشاور کمرشل اتاشی حسین مالکی ٗ ایگزیکٹو ممبران آفتاب اقبال ٗ محمد اشفاق ٗ ندیم رؤف ٗ سیکرٹری جنرل مقتصد احسن ٗسیکرٹری سہیل انجم بھی موجود تھے۔ ملاقات کے دوران پاک ایران دو طرفہ تجارت کے فروغ ٗ تجارتی وفود کے تبادلے ٗ مشترکہ صنعتی نمائشوں کے انعقاد سمیت تجارت کی راہ میں درپیش مسائل پر تفصیلی تبادلہ خیال کیاگیا اور پاک ایران باہمی تجارت کو فروغ کے لئے باہمی اقدامات اٹھانے پر اتفاق ہوا۔ سرحد چیمبر کے صدر فضل مقیم نے کہا کہ سرحد چیمبر پاک ایران باہمی تجارتی تعلقات کو مزید مستحکم کرنے کے لئے ہر ممکن تعاون کے لئے ہر وقت تیار ہے۔ انہوں نے اس بات پر زور دیتے ہوئے کہا کہ باہمی تجارت میں درپیش مسائل کو بات چیت کے ذریعے حل کیا جائے تاکہ دونوں ممالک کے درمیان کاروبار و تجارت کو فروغ دیاجائے اور موجودہ تجارتی حجم میں بھی بہتری لائی جاسکے۔ ایرانی قونصل جنرل علی بنفشہ نے کہا کہ باہمی تجارت کا حجم بہت کم ہے جو کہ دونوں ممالک کے پوٹنشل کو بہترطریقہ استعمال کرکے بہتر بنایا جاسکتا ہے۔ قونصل جنرل نے اس موقع پر ایران مشہد چیمبر اور سرحد چیمبر کے مابین باہمی مفاہمت کی یادداشت پر دستخط کا ذکر کرتے ہوئے کہا کہ چیمبر کے ساتھ ایرانی قونصلیٹ کے مضبوط روابط قائم ہے اور مستقبل میں باہمی اقدامات کے ذریعے انہیں مزید مستحکم کیا جائے گا۔ سرحد چیمبر کے صدر فضل مقیم خان نے اس موقع پر ایرانی قونصل جنرل کو یقین دلایا کہ پاک ایران باہمی تجارتی و اقتصادی تعلقات کے فروغ کے لئے سرحد چیمبر اپنا اہم کردار ادا کرے گا۔ بعد ازاں دونوں جانب سے مستقبل میں مشترکہ ملاقاتوں اور پروگرام کے انعقاد پر بھی اتفاق ہوا ہے۔

پاکستان ٹی ایسوسی ایشن کے سابق چیئرمین ٗ ایگزیکٹو ممبر اور سرحد چیمبر کے ایگزیکٹو کمیٹی کے رکن اشفاق احمد اور حاجی آفتاب اقبال کی قیادت میں ایسوسی ایشن کے اعلیٰ سطحی وفد نے سرحد چیمبر کا دورہ کیا اور سرحد چیمبر کے صدر فضل مقیم خان ٗ سینئر نائب صدر عبدالجلیل جان ٗ نائب صدرشہریار خان اورنو منتخب ایگزیکٹو کمیٹی کے اراکین کو مبارکباد بھی پیش کی۔ اس موقع پر سرحد چیمبر سابق صدر حاجی محمد افضل ٗسابق سینئر نائب صدرشاہد حسین ٗ ایگزیکٹو کمیٹی کے نو منتخب ممبر محمد ندیم رؤف ٗ سابق نائب صدر جاوید اختر اورپاکستان ٹی ایسوسی ایشن کے ممبران سمیت چائے کے کاروبار سے وابستہ حضرات بھی موجود ہیں۔ اس موقع پر چیئرمین اشفاق احمد نے سرحد چیمبر کے صدر فضل مقیم خان کو ملاقات کے دوران چائے کے کاروبار سے وابستہ بزنس کمیونٹی کو درپیش مسائل اور مشکلات سے تفصیلی طور پر آگاہ کیا جس پرسرحد چیمبرکے صدر فضل مقیم خان نے ایسوسی ایشن کے وفد کو صوبائی حکومت اور متعلقہ اداروں سے موثر انداز میں بات چیت کرکے درپیش مسائل و مشکلات کو حل کرنے کے یقین دہانی کرائی۔

سرحد چیمبر آف کامرس اینڈ انڈسٹری اور سمال اینڈ میڈیم انٹراپرائزز ڈویلپمنٹ اتھارٹی(سمیڈا) کے باہمی اشتراک سے ویلیو ایڈیشن کے ذریعے ٹیکسٹائل کی صنعت کے فروغ و ترقی کے لئے Matching گرانٹ کی فراہمی کے حوالے سے چیمبر ہاؤس میں دو روزہ اسپیشل معلوماتی ڈیسک کا افتتاح کیاگیا ہے۔ ڈیسک کا افتتاح سرحد چیمبر کے صدرفضل مقیم خان اور نائب صدر شہریار خان نے کیا۔ اس موقع پر سرحد چیمبر کے ممبران صدر گل ٗ فضل رسول ٗ چارٹرڈ اکاؤنٹنٹ محمد احمد شاہد اور سید اعجاز علی شاہ ٗ کمال محموداور سمیڈا کے افسران بھی موجود تھے۔ مذکورہ Matching گرانٹ پبلک سیکٹر ڈویلپمنٹ پراجیکٹ (PSDP)کے تحت 1000انڈسٹریل اسٹیچنگ یونٹس کو فراہم کی جائے گی جس کا مقصد ٹیکسٹائل اور گارمنٹس کے سیکٹر میں ویلیو ایڈیشن کے لئے خصوصی مالی معاونت فراہم کرنا ہے۔ اس موقع پر سرحد چیمبر کے صدر فضل مقیم خان نے بات چیت کرتے ہوئے کہا ہے کہ خیبر پختونخوا میں ٹیکسٹائل کی صنعت کے فروغ و ترقی کے لئے خصوصی گرانٹ کی فراہمی کا خیر مقدم کیا۔ انہوں نے کہا کہ موجودہ مخدوش صورتحال کی وجہ سے ٹیکسٹائل کی انڈسٹری زبوں حالی و تنزلی کا شکار ہے اور صوبے میں کارخانوں کی بندش کے باعث بے روزگاری میں اضافہ ہوا ہے۔ سرحد چیمبر کے صدر فضل مقیم خان نے کہا کہ حکومت دیگر سیکٹرز کی ترقی کے لئے بھی ایسی خصوصی گرانٹس کا اعلان کرے تاکہ خیبر پختونخوا میں زوال پذیر کاروبار ٗ صنعتوں اور تجارت کو بحال کیا جائے اور مختلف سیکٹرز بالخصوص سی این جی اور پٹرولیم میں سرمایہ کاری اور معاشی سرگرمیوں کے فروغ سے لوگوں کوروزگار کے زیادہ سے زیادہ مواقع میسر آسکیں۔ سرحد چیمبر کے صدر فضل مقیم خان نے بزنس کمیونٹی سے کہا ہے کہ وفاقی وزارت تجارت اور سمیڈا کے مشترکہ پی ایس ڈی پی پراجیکٹ (PSDP)کے تحت مذکورہ مالیاتی گرانٹ سے بھرپور استفادہ کریں اور اپنے کارخانے اورکاروبار کوویلیو ایڈیشن کے ذریعے وسعت و فروغ دیں۔سرحد چیمبر کے صدر فضل مقیم خان کا مزید کہنا تھا کہ صنعتی ترقی کے پہیہ کو بحال کرنے کے لئے حکومت کو جامعہ حکمت عملی اپنانی چاہئے اور صوبے میں بیمار صنعتی یونٹس کی بحالی بالخصوص ٹیکسٹائل سیکٹر کی ترقی کے لئے صوبائی سطح پر بھی خصوصی مالیاتی پیکیج کا اعلان کرے۔ بعد ازاں سرحد چیمبر کے صدر فضل مقیم خان کو وزارت تجارت کی جانب سے خصوصی گرانٹ کے حوالے سے سمیڈا کے افسران نے ایک تفصیلی بریفنگ دی بزنس کمیونٹی کے ایک بڑی تعداد میں اس خصوصی گرانٹ سے مستفید ہونے کے لئے سرحد چیمبر کا دورہ کیا اور اس حوالے سے معلومات حاصل کیں۔

سرحد چیمبر کے صدر فضل مقیم خان ٗ سینئر نائب صدر عبدالجلیل جان ٗ نائب صدر شہریار خان نے پشاور کے مقامی شادی ہال میں فرنیچر ایکسپو کا افتتاح کر رہے ہیں۔ اس موقع پر سرحد چیمبر کے ایگزیکٹو کمیٹی کے اراکین محمد ندیم رؤف ٗ حاجی آفتاب اقبال ٗ اشفاق احمد اور حمود الرحمان بھی موجودہیں۔ سرحد چیمبرکے عہدیداران نے افتتاح کے بعد فرنیچر ایکسپو میں لگائے گئے مختلف سٹالز کا تفصیلی دورہ کیا اور ایکسپو کے منتظمین کی جانب سے کئے گئے انتظامات کو بھی سراہا۔ ایکسپو کے آرگنائزر فیصل اور محترمہ زرنش کی جانب سے سرحد چیمبر کے صدرفضل مقیم خان ٗ سینئرنائب صدرعبدالجلیل جان ٗ نائب صدر شہریارخان ٗ ایگزیکٹو کمیٹی کے اراکین محمد ندیم رؤف ٗ حاجی آفتاب اقبال اور اشفاق احمد کو شیلڈ بھی پیش کی گئی۔

سرحد چیمبر کے صدر فضل مقیم خان سرحد چیمبر کے ایگزیکٹو کمیٹی کے رکن سیف اللہ کی قیادت میں گڑ منڈی خوشحال بازار پشاور کے عہدیداروں اور ممبران پر مشتمل اعلیٰ سطحی وفد کے اجلاس سے خطاب کر رہے ہیں۔ اس موقع پر سرحد چیمبر کے سینئر نائب صدر عبدالجلیل جان ٗ نائب صدر شہریار خان ٗ ایگزیکٹو کمیٹی کے اراکین ندیم رؤف ٗ اشفاق احمد ٗ حاجی آفتاب اقبال اور حمود الرحمان ٗ گڑ منڈی خوشحال بازار کے عہدیداران اور اراکین حاجی شیر علی ٗ شیرافضل ٗ فریق اللہ ٗ شفقت محمود ٗ رحمان گل ٗ باغی جان ٗ سلطان عزیز ٗ حاجی ثناء اللہ ٗ معاذ اللہ اور امداد اللہ بھی شریک ہیں۔ اس موقع پر وفد نے سرحد چیمبر کے صدر کو گڑ کے کاروبار سے وابستہ افراد کو درپیش مسائل سے آگاہ کیا اور ان کے حل کیلئے اپنا کردار ادا کرنے کی درخواست کی۔ سرحد چیمبر کے صدر فضل مقیم خان نے وفد کو اُن کے مسائل حل کرنے کی بھرپور یقین دہانی کرائی۔

سرحد چیمبر آف کامرس اینڈ انڈسٹری کے صدر فضل مقیم خان نے خیبر پختونخوا بیرونی سرمایہ کاری کے فروغ اور ایکسپورٹ کی راہ میں رکاوٹوں کو دور کرنے اور سرمایہ کاروں کو ہر ممکن سہولیات کی فراہمی پرزور دیتے ہوئے کہا ہے کہ صوبہ میں سرمایہ کاری کے وسیع پیمانے پر مواقع موجود ہیں تاہم حکومتی پالیسیوں اور 2فیصد سیس کے نفاذ کے بعد صوبہ خیبر پختونخوا سے کاروبار ٗ تجارت اور ایکسپورٹ کا عمل مکمل رُ ک گیا ہے۔ صوبائی حکومت اپنے فیصلے پر نظرثانی کرکے ایکسپورٹ پر سیس کو فوری ختم کرے اور صوبے میں سرمایہ کاری کے فروغ کیلئے سازگار ماحول کے لئے عملی اقدامات اٹھائے جائیں۔ ان خیالات کا اظہار انہوں نے چینی سرمایہ کاروں اور جیمز سٹون کے کاروبار سے وابستہ کاروباری حضرات اور ایکسپورٹرزکے ایک نمائندہ وفد سے ملاقات کے دوران کیا۔ وفد میں ایکسپورٹرز جمیل ٗ کامران ٗچینی سرمایہ کار چاؤ جیون کن ٗ مسٹر ما ٗ مسٹر چاؤ ٗ عاطف خواجہ اور دیگر شامل تھے۔ اس موقع پر سابق صدر ایف پی سی سی آئی غضنفر بلور ٗ سرحد چیمبر کے سینئر نائب صدر عبدالجلیل جان ٗ نائب صدرشہریار خان ٗ انجمن تاجران کے تاحیات صدر حاجی محمد افضل ٗ سابق صدر سرحد چیمبر فیض محمد فیضی ٗ حسنین شیراز بھی موجود تھے۔ اس موقع پر وفد نے اجلاس کے دوران سرمایہ کاروں کی جانب سے صوبے سے برآمدات میں 2فیصد سیس کے نفاذٗ سیکورٹی کے انتظامات محکمہ کسٹمز اور دیگر متعلقہ اداروں کے حوالے سے مختلف مسائل ٗ برآمدات میں رکاوٹوں اور متعدد تحفظات سے تفصیلاً آگاہ کیا۔ وفد کا کہنا تھا کہ خیبر پختونخوا کی حکومت سے برآمدات پر 2فیصد سیس کا نفاذ کیا جس کی وجہ سے ایکسپورٹ دیگر صوبوں کو شفٹ ہوچکی ہے۔ ایوان کو بتایا گیا کہ صوبائی حکومت سے 2فیصد سیس کے حوالے سے بات چیت جاری ہے اور مذکورہ سیس کو 0.5فیصد تک لانے کے لئے اقدامات کئے جا رہے ہیں۔ وفد سے سرمایہ کاروں کو سیکورٹی کی فراہمی کیلئے محکمہ پولیس کے اعلیٰ حکام سے موثر انداز میں بات چیت کرنے اور ایکسپورٹ کی راہ میں درپیش تمام مسائل کو ترجیحی بنیادوں پر حل کرنے کے لئے اقدامات پر زور دیا ہے۔ اس موقع پر سرحد چیمبر کے صدر فضل مقیم خان نے وفد کو یقین دہانی کرائی ہے کہ ایکسپورٹرز کے تمام مسائل کو حکومتی اداروں کے ساتھ موثر انداز میں اٹھا کر حل کئے جائیں۔ سرحد چیمبر کے صدر کا کہنا تھا کہ خیبر پختونخوا سے برآمدات پر سیس کو مکمل ختم کیا جانا چاہئے تاکہ برآمدات میں اضافہ کے ساتھ ساتھ صوبے میں سرمایہ کاری کو فروغ دیاجاسکے۔ سرحد چیمبر کے صدر فضل مقیم خان نے سرمایہ کاروں کی جانب سے اٹھائے جانیوالے مختلف مسائل و تحفظات کو فوری حل کرنے کی بھرپور یقین دہانی کرائی ہے۔

صدر پاکستان آصف علی زرداری بزنس کمیونٹی کی بے لوث خدمات کے اعتراف میں سینیٹر الیاس احمد بلور کیلئے ایف پی سی سی آئی کی جانب سے لائف ٹائم اچیومنٹ ایوارڈ اُن کے پوتے اور سرحد چیمبر کے سابق صدر شیر بازبلور کو پیش کر رہے ہیں

سرحد چیمبر کے صدر فضل مقیم خان ٗ سینئر نائب صدر عبدالجلیل جان اور نائب صدر شہریار خان سے ڈپٹی کمشنر پشاور کیپٹن (ر) سرمد سلیم اکرام چیمبر ہاؤس میں ملاقات کر رہے ہیں۔ ملاقات کے دوران ڈپٹی کمشنر پشاور نے سرحد چیمبر کی نو منتخب کابینہ کو مبارکباد پیش کی۔ اس موقع پر سرحد چیمبر آف کامرس اینڈ انڈسٹری کے صدر فضل مقیم خان نے کہا ہے کہ کاروبار و صنعتوں کے فروغ کے لئے گیس و بجلی کی بلا تعطل فراہمی کویقینی بنایا جائے۔ حکومت کاروبار دوست پالیسیوں کو اپناتے ہوئے بزنس کمیونٹی کو ریلیف کے لئے اقدامات اٹھائے۔ خیبر پختونخوا فرنٹ لائن صوبہ ہے جہاں پر کاروبار اور صنعتیں چلانا کسی جہاد سے کم نہیں ہے۔ نجی سیکٹر کا ملک کی معاشی ترقی و خوشحالی اور روزگار کی فراہمی میں اہم کردار ہے لہٰذا ان کی مشکلات کا ازالہ کرنا بہت ضروری ہے۔ ان خیالات کا اظہار انہوں نے گذشتہ روز ڈپٹی کمشنر پشاور کیپٹن (ر) سرمد سلیم اکرام کے دورہ سرحد چیمبر کے موقع پر ملاقات کے دوران کیا۔ اس موقع پر ڈپٹی کمشنر سرمد سلیم اکرام نے سرحد چیمبر کی نو منتخب کابینہ کو مبارکباد پیش کی۔ ملاقات کے دوران سرحد چیمبر کے سینئر نائب صدر عبدالجلیل جان ٗ نائب صدر شہریار خان ٗ امتیاز ٗ صدر گل ٗ فیض رسول ٗ فضل واحد اور اشتیاق محمد اور دیگر بھی موجود تھے۔ ملاقات کے دوران سرحد چیمبر کے صدر فضل مقیم خان نے تبادلہ خیال کرتے ہوئے کہا ہے کہ خیبر پختونخوا میں کل قدرتی گیس کی پیداوار 500 ایم ایم سی ایف ڈی ہے بالخصوص یہ صوبہ اپنی ضرورت سے زیادہ گیس پیدا کررہا ہے لیکن یہاں کی کاروبار و صنعتوں بالخصوص سی این جی اسٹیشن کو گیس کو مکمل پریشر کے ساتھ فراہم نہیں کی جا رہی ہے جس سے بزنس کمیونٹی کوکافی مشکلات کا سامنا کرنا پڑ رہا ہے۔ سرحد چیمبر کے صدر نے شہر بھر میں غیر قانونی طور پر ڈبہ اسٹیشن میں اضافہ پر تشویش کا اظہار کیا اور حکومت سے اس کے خلاف موثر کارروائی کرنے کا مطالبہ کیا۔ ملاقات کے دوران ڈپٹی کمشنر پشاور سرمد سلیم اکرام نے سرحد چیمبر کے صدر کی جانب سے پیش کردہ کاروبار و تجارت سے جڑے مسائل اور مشکلات کو دور کرنے کے حوالے سے مشترکہ حکمت عملی کے تحت اُن کے حل کی یقین دہانی کرائی۔ انہوں نے کہاکہ وہ ایک کاروباری گھرانے سے تعلق رکھنے کی وجہ سے بزنس کمیونٹی کی تمام مشکلات سے بخوبی واقف ہیں۔ ڈپٹی کمشنر پشاور نے کہا کہ حکومت کاروبار و تجارت کی بہتری و ترقی کے لئے اقدامات اٹھا رہی ہے اور یقین دہانی کرائی ہے کہ سرحد چیمبر و بزنس کمیونٹی کی مشاورت سے پالیسیوں کا نفاذ کیا جائے گا اور کاروبار و تجارت کی راہ میں تمام درپیش رکاوٹوں کو دور کرنے کے لئے عملی اقدامات اٹھائے جائیں گے۔ اس موقع پر ڈپٹی کمشنر پشاور سرمد سلیم اکرام نے تجویز پیش کرتے ہوئے کہا کہ سرحد چیمبر اور مقامی انتظامیہ مل کر لوگوں کو روزگار کی فراہمی کے لئے خصوصی سکل ڈویلپمنٹ پروگرام شروع کرے جس سے چیمبر کے صدر فضل مقیم خان نے مکمل اتفاق کیا اور اس حوالے سے ہر ممکن تعاون کی یقین دہانی کرائی ہے۔ سرحد چیمبر کے صدرفضل مقیم خان نے سرحد چیمبر اور ڈپٹی کمشنر آفس کے درمیان مربوط اور روابط لیزان کے قیام پر زور دیا گیا تاکہ بزنس کمیونٹی کے مسائل کو بروقت اجاگر کرکے حل کروایا جاسکے۔

سرحد چیمبر کے صدر فضل مقیم خان اور سینئرنائب صدر عبدالجلیل جان اورداؤد سنزآرمری کے چیف ایگزیکٹو حکیم الدین داؤد گورنر خیبر پختونخوا فیصل کریم کنڈی کا داؤد سنز آرمری پہنچنے پر استقبال کر رہے ہیں۔ اس موقع پر سرحد چیمبر کے سابق صدر انجینئر مقصود انور پرویز ٗ سرحد چیمبر کی ایگزیکٹو کمیٹی کے اراکین محمد ندیم رؤف ٗ اشفاق احمد ٗ حاجی آفتاب اقبال اورسمال انڈسٹریلسٹ ایسوسی ایشن کوہاٹ روڈ کے صدر وحید عارف اعوان ٗ محمد اورنگزیب سمیت دیگر اراکین بھی موجود ہیں

سرحد چیمبر کے صدر فضل مقیم خان اور سینئر نائب صدر عبدالجلیل جان کوسرحد پٹرولیم کارٹیج ڈیلرز ایسوسی ایشن کے صدرعبدالماجد خان اور سرحد چیمبر کے سابق نائب صدر ملک نیاز محمد اعوان مبارکباد پیش کر رہے ہیں

سرحد چیمبر کے صدر فضل مقیم خان ٗ سینئر نائب صدرعبدالجلیل جان اور شہریار خان کو فرنٹیئر کسٹمز ایجنٹس ایسوسی ایشن خیبر پختونخوا کے صدر ضیاء الحق سرحدی ٗ سینئر نائب صدر خالد شہزاد ٗ نائب صدر امتیاز احمد علی ٗایگزیکٹو ممبران منصور احمد ٗ جاوید خان ٗ طارق آفریدی ٗ اسرار آفریدی ٗ نظام شاہ ٗ ارشد خان ٗ وہاب خان اور فیض محمد پھولوں کے ہار پہنا کر اور گلدستے پیش کرکے مبارکباد دے رہے ہیں۔ اس موقع پر سرحد چیمبر کے صدر فضل مقیم خان ٗ سینئرنائب صدر عبدالجلیل جان اورایگزیکٹو کمیٹی کے اراکین محمد ندیم رؤف ٗ حاجی آفتاب اقبال اور اشفاق احمد ضیاء الحق سرحدی کو پاک افغان جائنٹ چیمبر کے سینئر نائب منتخب ہونے پر مبارکباد پیش کر رہے ہیں

سرحد چیمبر کے صدر فضل مقیم خان ٗ سینئرنائب صدر عبدالجلیل جان اور نائب صدرشہریار خان کو سرحد چیمبر کے سابق صدور ملک نیاز احمد اور شیرباز بلور مبارکباد پیش کر رہے ہیں

سرحد چیمبر کے صدر فضل مقیم خان ٗ سینئر نائب صدر عبدالجلیل جان اور نائب صدر شہریار خان کو سرحد چیمبر کے سابق صدر اور انجمن تاجران پشاور کے تاحیات صدر حاجی محمد افضل مبارکباد پیش کر رہے ہیں۔ اس موقع پر سرحد چیمبر کے معزز اور سینئر ممبر خالد سلطان بزنس مین فورم کی تاریخی فتح پر حاجی محمد افضل کو مبارکباد پیش کر رہے ہیں

سرحد چیمبر کے صدر فضل مقیم خان ٗ سینئر نائب صدر عبدالجلیل جان اور نائب صدر شہریار خان کو سرحد چیمبر کے سابق صدور زاہداللہ شنواری ٗ حسنین خورشید احمد اور سرحد چیمبر کے سابق ایگزیکٹو کمیٹی کے رکن سہیل جاوید مبارکباد پیش کر رہے ہیں

سرحد چیمبر کے صدر فضل مقیم خان ٗ سینئر نائب صدر عبدالجلیل جان اور نائب صدر شہریار خان کو سرحد چیمبر کے سابق صدر فواد اسحق پھولوں کے گلدستہ پیش کرکے مبارکباد دے رہے ہیں۔ اس موقع پر سرحد چیمبر کے ایگزیکٹو کمیٹی کے اراکین ندیم رؤف ٗ آفتاب اقبال ٗ اشفاق احمد اور دیگر بھی موجود ہیں

سرحد چیمبر آف کامرس اینڈ انڈسٹری کے صدر فضل مقیم خان نے حکومت اور اوگرا سے مطالبہ کیا ہے کہ گیس کے شپنگ ٹیرف کے تعین کرتے وقت نجی شعبہ کے تحفظات کو مدنظر رکھا جائے کیونکہ کسی قسم کا اضافہ نجی شعبہ کے لئے انتہائی نقصان دہ ثابت ہوگا۔ گذشتہ روز سرحد چیمبر کے صدر فضل مقیم نے آئل اینڈ گیس ریگولیٹری اتھارٹی (اوگرا) کے زیر اہتمام ایک مقامی ہوٹل میں عوامی سماعت سے خطاب کرتے ہوئے نجی شعبے کے گیس پروڈیوسر کو درپیش مسائل و مشکلات کو مفصل انداز میں پیش کیا جو کہ ایس این جی پی ایل پائپ لائنوں کے ذریعے اپنی گیس کی شپنگ کرتے ہیں۔ سرحد چیمبر کے صدر نے کہا کہ موجودہ حالات کے تناظر میں قدرتی گیس سے متعلقہ نجی سیکٹر بے شمار مشکلات سے دوچار ہے انہیں کاروبار کرنے میں کافی دشواری کا سامنا ہے۔ انہوں نے خبردار کیا ہے کہ حکومت اور اوگرا کی جانب سے شپنگ ٹیرف میں زیادہ اضافہ نجی شعبہ کیلئے تابوت میں آخری کیل ثابت ہوگا۔ انہوں نے اس بات پر زور دیا کہ ایسے اقدا م سے گریز کیا جائے جو کہ گیس کے شعبہ سے وابستہ کاروباری حضرات کی مشکلات میں مزید اضافہ کرے۔انہوں نے کہاکہ اس وقت بزنس کمیونٹی کو اپنے کاروباری سرگرمیاں جاری رکھنے کے لئے وفاقی اور صوبائی حکومتوں کی جانب سے ریلیف کی اشد ضرورت ہے۔ اوگرا کی جانب سے منعقدہ عوامی سماعت میں گیس سیکٹر سے وابستہ کاروباری حضرات کے علاوہ متعلقہ مرکزی و صوبائی اعلیٰ افسران اور سٹیک ہولڈرز ٗ متعلقہ اداروں کے نمائندوں نے شرکت کی۔

سرحد چیمبر کے سینئر نائب صدر عبدالجلیل جان اور نائب صدر شہریار خان کو عوامی نیشنل پارٹی کے صوبائی جنرل سیکرٹری حسین شاہ خان یوسفزئی کی سربراہی میں وفد ملاقات کے موقع پر مبارکباد پیش کر رہا ہے۔ اس موقع پر صوبائی ترجمان ارسلان خان ناظم اورصوبائی سالار شاکر شنواری سمیت صدر گل ٗ فیض رسول ٗ فضل واحد اوراشتیاق احمد سمیت دیگر اراکین بھی موجود ہیں

سرحد چیمبر آف کامرس اینڈ انڈسٹری کے صدرفضل مقیم خان نے کہا کہ بزنس کمیونٹی کی بے لوث خدمت اولین مشن ہے موجودہ حالات کے تناظر میں کاروباری طبقہ بے شمار مشکلات سے دوچار ہے۔ کاروبار ٗ صنعتی ٗ CNG اورپٹرولیم سیکٹر سمیت دیگر شعبہ جات کی ترقی سے ہی ملکی معیشت کو استحکام اوربہتری کی جانب گامزن کیا جاسکتا ہے۔ تاجر برادری کی مشاورت سے پالیسیوں کو تشکیل دی جائیں گی اور ان کے مسائل کو حکومتی ایوانوں اور متعلقہ اداروں کے سامنے موثر انداز میں پیش کرکے حل کرنے کی بھرپور کوشش کی جائے گی۔ ان خیالات کا اظہار انہوں نے چیمبر کی صدارت کا باضابطہ عہدہ کا چارج سنبھالتے ہوئے اور مبارکباد کے لئے آنیوالے مختلف تاجروں اور صنعتکاروں کے وفود سے تبادلہ خیال کرتے ہوئے کیا۔ وفود میں سی این جی ایسوسی ایشن کے صوبائی صدر چیئرمین پرویز خان خٹک ٗصرافہ ایسوسی ایشن کے صدر شیرفرزند ٗ اپشیاء کے سابق صدر مشتاق احمد کی قیادت میں صنعت و تجارت سے وابستہ کاروباری افرادنے چیمبر آکرنو منتخب صدر فضل مقیم خان ٗ سینئر نائب صدر عبدالجلیل جان اور نائب صدر شہریار خان کوعہدوں کا چارج سنبھالنے پر مبارکباد پیش کی اور ان کے لئے نیک خواہشات کا اظہار کیا۔وفد میں ایسوسی ایشن کے سینئر نائب صدر منہاج الدین ٗ نائب صدور باچا وزیر ٗ غالب خان ٗ ایگزیکٹو ممبران قاضی امجد علی ٗ رشید خٹک ٗ لقمان شاہ ٗ اجمل خان اور تیمور شاہ ٗ سنٹرل ایگزیکٹو کمیٹی ممبر خلیق الرحمانٗ علی جان ٗ اکبر شاہ جہان اور ٗ نو منتخب ایگزیکٹو ممبر سیف اللہ ٗفیض رسول ٗ فضل واحد ٗ اشتیاق احمد ٗ گڑ منڈی سے قاری حفیظ ٗ این ایچ کاظمی ٗ پاکستان یوتھ آرگنائزیشن کے سیکرٹری انفارمیشن عبدالوہاب موسیٰ زئی شامل تھے۔ سرحد چیمبر کے سینئر نائب صدر عبدالجلیل جان نے مختلف وفود نے ملاقات کی اور انہیں عہدہ سنبھال پر مبارکباد دی۔ وفد میں انجینئر اورنگزیب خلیل ٗ مولانا عبدالرؤف جان ٗ امیر محمد خان ٗ حکیم خدمت حسین ٗ مختار حسین ٗ عمران منیر جبکہ سرحد چیمبر کے نائب صدر شہریار خان نے بھی اپنے عہدہ کا چارج سنبھالنے کے بعد مختلف کاروبار سے وابستہ کاروباری حضرات سے ملاقات کی اور انہیں دل کی گہرائیوں سے مبارکباد پیش کی۔ وفد میں حاجی اسرار صراف ٗ حاجی شیرفرزند ٗ اویس قرنی سمیت دیگر شامل تھے۔ سرحد چیمبر کے صدرفضل مقیم خان اور کابینہ کے دیگر ممبران نے اس موقع پر اپنے عزم کا اظہارکرتے ہوئے کہا ہے کہ کاروباری طبقہ کی مشکلات کے فوری ازالہ کے لئے برق رفتاری سے کام کیا جائے گا اور تاجروں ٗ دکانداروں ٗ صنعتکاروں بالخصوص سی این جی ٗ پٹرولیم سیکٹرز سے متعلقہ مسائل کو وفاقی و صوبائی حکومتوں اور متعلقہ اداروں کے ساتھ موثر انداز میں اٹھا کر حل کرنے کے لئے ہر ممکن کوشش کی جائے گی۔ سرحد چیمبر کے صدرفضل مقیم خان کا کہنا تھا کہ بزنس مین فورم اور بزنس کمیونٹی نے ان پر جس اعتماد کا اظہارکیا اس پرپورا اترنے کی پوری کوشش کریں گے اور انہیں کبھی مایوس نہیں کریں گے۔

Sarhad Chamber of Commerce and Industry senior vice president Sanaullah Khan stressed the need for further cementing bilateral trade and economic relations between Pakistan and Republic of Philippines.   The senior office bearer said there is immense potential to enhance mutual trade between Pakistan and the Philippines. He, however, emphasized joint initiatives must be taken to benefit from each other's experiences and potentials to improve trade and economic ties between the two countries. Sanaullah Khan made these remarks during a visit of Maria Agnes M Cervantes, Ambassador of Philippines to Pakistan along with her other members of delegation here at the chamber house on Saturday. Vice president of the SCCI Ejaz Khan Afridi, FPCCI former president Ghazanfar Bilour, former vice president of the FPCCI Hanif Gohar, Honorary Consul General of Philippines in Karachi Dr Imran Yousuf, Honorary Consul General  Philippines in Lahore Fahdal Sheikh, member of 10-members delegation of Philippines, former president Sherbaz Bilour, former senior vice president Imran Khan Mohmand, member of the chamber executive committee Affaf Ali Khan, Qurat Ul  Ain, Monawar Khurshid, Naeem Qasmi, and Fahad Amin, and Sohail Javed, Ihsan Ullah, Waqar Ahmad, Saddar Gul, Faiz Rasool, Acting Secretary General Muqtasid Ahsan, Secretary Sohail Anjum, traders and industrialists were present in a large number during the meeting. Maria Agnes M Carvantes while speaking on the occasion invited Khyber Pakhtunkhwa businessmen to visit the Philippines and make investment in potential sectors of the country.  She said prospects for further improving Pak- Philippines bilateral trade and economic relations are brighter.

The second field visit on day 4 of the Productivity Linked Wage System Training in Phnom Penn, Cambodia was to Vital Food Factory. Mr. Fuad Ishaq, president SCCI had a thorough discussion with the top management of the company. The dialogue focused on increasing productivity in a FMCG production facility.

Mr. Fuad Ishaq, President SCCI visited the Cambodia Chamber of Commerce today and held meeting with its Director General H E Nguon Mengtech. The discussion focused on increasing the bilateral trade between Pakistan and Cambodia in general and enhancing Pakistan’s exports to Cambodia, in particular. Both dignitaries agreed to foster relationships between the business communities of the two co… See more

July 5, 2024 was the final day of the Productivity Linked Wage System training which was organized by the Asian Productivity Organization in Phnom Penh, Kingdom of Cambodia. Mr. Fuad Ishaq, President SCCI, received his certificate of successful completion of the training.

Representing Pakistan in the Asian Productivity Organization (APO) training on Productivity Linked Wage System in Phnom Penh, Kingdom of Cambodia, Mr. Fuad Ishaq, President SCCI explaining the finer points of the components of an employee’s wage to the participants of the training. (Day 2 of the Workshop)